नेपाल पत्रकार महासंघ दक्षिण कोरियाबाट नेपाल हाउसलाई ५ लाख वन सहयोग

दक्षिण कोरियामा रहेका नेपाली पत्रकारहरूको साझा संस्था तथा कोरियाको नेपाली समुदायमा अग्रणी भुमिका निभाउंदै आएको नेपाल पत्रकार महासंघ दक्षिण कोरिया शाखाले नेपाल हाउसको लागि ५ लाख वन सहयोगको घोषणा गरेको छ । दीर्घकालिन र व्यवस्थित नेपाल हाउसको लागि दश करोड वन संकलन अभियानलाई सफल बनाउन नेपाल पत्रकार महासंघ दक्षिण कोरिया शाखाले उक्त सहयोगको घोषणा गरेको हो । घोषणाको बारेमा नेपाल हाउस सांगीतिक महामेला प्रचार प्रसार समितिको संयोजक समेत रहनु भएका नेपाल पत्रकार महासंघ दक्षिण कोरिया शाखाका अध्यक्ष श्री अशोक मैनाली ज्युले जानाकारी गराउनु भयो । अध्यक्ष श्री मैनालीका अनुसार महासंघको बैठकबाट निर्णय गरि नेपाल हाउसलाई सहयोगको घोषणा गरिएको हो । नेपाल हाउसलाई दिगो बनाउन शुरु गरिएको यस महान अभियानमा कोरियामा रहेका पत्रकारहरुले खेलि रहेको अबिष्मरणिय र उल्यख्यनिय भूमिका रहंदा रहंदै महासंघको तर्फबाट गरिएको  सहयोग रकमको घोषणाले महामेला सहितको यस परोपकारी अभियानमा नयां उर्जा थपिएको छ । नेपाल पत्रकार महासंघ दक्षिण कोरियाले पत्रकारिता संगै सामाजिक सेवाका उल्यख्यनिय कार्यहरु समेत गर्दै आएको छ । कोरियामा रहेका हरेक संघ संस्थाहरु संगको सुमधूर सम्बन्ध सहितको सहकार्य र बार्षिक रुपमा दिइन शुरु गरिएको उत्कृष्ट समाज सेवा अवार्ड यसका ज्वलन्त उदाहरणहरु हुन ।